దీపం – తిలక్ కవిత

తిలక్ “అమృతం కురిసిన రాత్రి” సంకలనంలో “దీపం” కవిత చదువుతూ ఉన్నా రాత్రి. అందులో కొన్ని లైన్లు:
“చీకట్లో చీకటి కనబడదు
దీపం పాపం వంటి చీకటిని చూపెడుతుంది.
దీపాల మధ్య చీకటి దివ్యంగా మెరిసిపోతోంది.”
….. ఇలా సాగాక, ఒక చోట
“ప్రాణంలోంచి పాపం, పాపం లోంచి ప్రాణం పుట్టాయి
పాపాన్ని చూసి పాపం అని జాలిపడడం పుణ్యం అని చెప్పాయి
సమాధి మీద దీపం చావుని వెలిగించి చూపుతుంది
దేవాలయంలోని దీపం దేవుని బంధిఖానాని తెలుపుతుంది
ఇంటిముందు పెట్టిన దీపం ఇంటిలోపలి గుట్టుని దాచుతుంది”
– ఇక్కడే నాకు సందేహం… ఇంటిముందు పెట్టిన దీపం ఇంటిలోపలి గుట్టుని దాచడం ఏమిటి?  ఈ వాక్యం అర్థం కాలేదు నాకు. చదివిన వారికి అర్థమైతే వ్యాఖ్య రాయగలరు.