తిరక్కథ, అపూర్వ రాగంగళ్

నాకు ఈ మలయాళ సినిమా తిరక్కథ  గురించి ఎలా తెలిసిందో గుర్తులేదు కానీ, ఒకరోజు పొద్దున్నే ఐదింటికి ప్లే చేశాను అనుకోకుండా. అంతే, పూర్తి అయేదాకా ఆపలేకపోయాను. ఆ సినిమా ప్రభావంలో “అపూర్వ రాగంగళ్” తమిళ సినిమా చూశాను (తెలుగులో “తూర్పు పడమర”). ఆ రెంటి గురించే ఈటపా.

తిరక్కథ సినిమా నటి శ్రీవిద్య జీవితం ఆధారంగా తీశారంటారు. శ్రీవిద్య హీరోయిన్ గా నటించిన సినిమాలు నేనెక్కువ చూడలేదు. ఆమె ఎం.ఎల్.వసంతకుమారి కుమార్తె అన్న విషయం తప్పిస్తే నాకసలు ఆమె వ్యక్తిగత జీవితం గురించి తెలియదు కూడానూ. కనుక ఆమె జీవితకథ ఆధారంగా సినిమా అనేసరికి “ఏమిటా కథ?” అన్న కుతూహలం మొదలైంది. సరే, సినిమా బయోపిక్ ఐతే కాదు. నిజజీవిత గాథ ఆధారంగా రాసిన బయోగ్రాఫికల్ నవలలు ఉంటాయే – అలాంటిది.

కథ విషయానికొస్తే, మాళవిక అన్న నటి, ఆమె ఒకప్పటి భర్త, ప్రస్తుతపు సూపర్ స్టార్ అయిన అజయ్ చంద్రన్ -వీళ్ళ జీవితాలలో జరిగిన సంఘటనలు-ఇది కథ అనుకోవచ్చు. మొదట్లో ఆవిడ రైజింగ్ స్టార్. ఈయన స్ట్రగులింగ్ స్టార్. పెళ్ళి చేసుకున్నాక, కొన్ని కారణాలవల్ల విడిపోతారు. ఆ సమయంలోనే అదృష్టాలు తలక్రిందులై ఆయన ఎదిగిపోతాడు…ఆవిడ క్రమంగా తెరమరుగవుతుంది. ఈ కథంతా అప్పుడే తొలి సినిమా విజయంతో పేరు తెచ్చుకున్న నూతన దర్శకుడు అక్బర్ అహ్మద్ ను ఆకర్షించి, అతను మాళవిక జీవితాన్ని సినిమాగా తీయాలని ఆమెకోసం వెదకడం మొదలుపెడతాడు. ఈ క్రమంలో క్యాంసర్ తో మరణానికి చేరువలో ఉన్న మాళవికని ఎట్టకేలకి కనిపెడతాడు. మొత్తానికి సినిమా తీశాడా? అజయ్ చంద్రన్ ఎలా స్పందించాడు ఈ వ్యవహారానికంతా? – వంటి వన్నీ ఓపికున్న వాళ్ళు వెదుక్కుని తెరపైన చూడండి. లేదంటే ఏ వికీలోనో కథను చదవండి.

మాళవికగా ప్రియమణి చాలా బాగా చేసినట్లు అనిపించింది నాకు. ఆ పాత్ర ఉత్తానపతనాలు, సుఖదుఃఖాలు -అన్నీ ఆమెలో బాగా కనిపించాయి. తక్కిన నటీనటులందరూ కూడా బాగా చేశారు. కథలో బాగా డ్రామా ఎలిమెంట్ ఉంది కనుక సినిమాలో, డైలాగుల్లో దాన్ని బాగా వాడుకున్నారు. క్యాన్సర్ పేషంటుగా ఆ గెటప్ వేసేందుకు ఒప్పుకున్నందుకు ప్రియమణిని మెచ్చుకోవాల్సిందేననుకుంటాను. చివర్లో అజయ్-మాళవిక కలిసే దృశ్యం, అక్బర్ అహ్మద్ తన సినిమా కోసం తిరుగుతున్నప్పుడు క్రమంగా ఆ కథపై అతని ఆలోచనల్లో వచ్చిన మార్పులు – ఇవన్నీ బాగా చూపినట్లనిపించింది. మన హీరోలైతే ఈ అక్బర్ అహ్మద్ పాత్ర చేసేందుకు వెనుకాడేవారేమో – కథంతా అతని ఆలంబనతోనే అయినా వేరే పాత్రల చుట్టూ తిరుగుతుంది కనుక. కానీ, పృథ్వీరాజ్ ఈ పాత్రకు బాగా సరిపోయాడు.

మొత్తానికైతే, ప్రింటు సరిగా లేకపోయినా, సబ్టైటిల్స్ ఒక్కోచోట సరిగా లేనట్లు అనిపించినా, సినిమా మట్టుకు బాగుంది. అయితే, సహజంగానే ఇంక మనసు శ్రీవిద్య మీదకు మరలింది. దానితో, “అపూర్వ రాగంగళ్” సినిమా చూడ్డం మొదలుపెట్టాను. రజనీకాంత్ తొలి చిత్రం కనుక, అది మరొక కుతూహలం. “తూర్పు పడమర” సినిమా చిన్నప్పుడు చూసినట్లు గుర్తు కానీ, తమిళ వర్షన్ చూడలేదు. “Same old son” అని సత్యనారాయణ అంటే, “Same old father” అని నరసింహరాజు అనడం, “తూర్పు పడమర ఎదురెదురు“, “శివరంజని..” పాటలు మట్టుకు లీలగా గుర్తున్నాయి. సరే, ఇప్పుడు నరసింహరాజును చూడ్డం కంటే కమలహాసన్ ని చూడ్డం ప్రిఫర్ చేసి తమిళ వర్షన్ చూడ్డం మొదలుపెట్టాను.

సినిమా కథావస్తువు నాకు పరమ revolutionary గా అనిపించింది. ఆకాలంలో ఓ ముప్పై ఏళ్ళ క్రితం ఎలాంటి సంచలనాలు కలిగించిందో ఏమిటో!! అయితే, సినిమా మొత్తంగా చూస్తే నాకు ప్రత్యేకంగా‌ ఏం అనిపించలేదు – అన్ని బాలచందర్ కథల్లాగే సాగింది కథనం అంతా. దాని బోర్డం లో తళుకుమన్న వారు నటీనటవర్గం. ముఖ్యంగా శ్రీవిద్య, రజనీకాంత్. శ్రీవిద్య ని చూసి, అదీ ఆ సినిమా తీసేనాటికి ఆమెకి కేవలం ఇరవై రెండేళ్ళే నన్న మాట కూడా తెలిశాక – అద్భుతమైన నటి అనుకోకుండా ఉండలేకపోయాను. ఆమె ఒక్కదానికోసం ఆ సినిమా చూడవచ్చు అసలు. ఇక జయసుధ, కమల హాసన్ – సినిమాలో ప్రధాన పాత్రలకి బాగా సూట్ అయారు. ఇద్దరిలోనూ నన్ను జయసుధ ఆకట్టుకుంది. కమలహాసన్ నాన్న పాత్ర వేసిన మేజర్ సుందరరాజన్ కూడా బాగా చేశాడు. వీళ్ళందరూ కాక ప్రత్యేకం చెప్పుకోవాల్సిన మనిషి – శ్రీవిద్య భర్తగా సినిమా క్లయిమాక్స్ దృశ్యాల్లో కనబడే రజనీకాంత్. అసలు అతను మొట్టమొదట కనబడే దృశ్యం దగ్గర్నుండి చివ్వర్లో మరణదృశ్యం దాకా – అతను ఉన్నంత సేపూ అతను తప్ప వేరెవరూ కనబడని విధంగా ఆకట్టుకున్నాడు నన్ను. ఎస్వీఆర్ పేదవాడి పాత్రవేసిన రాజసం కనబడుతుందన్నట్లు, ఇతగాడు వేసిన ఆ పాత్రకి కూడా ఒక స్టయిల్ తీసుకొచ్చాడు.

అతని పాత్ర కొంచమే. పైగా దాన్ని విలన్ పాత్ర అనుకుంటారు అందరూ. అతని పరిచయమే “అపస్వరం” అన్న శీర్షికతో మొదలవుతుంది సినిమాలో. నాకైతే విలన్ లా అనిపించలేదు. కథాపరంగా అతను మోసగాడనే అనుకున్నా కూడా అతని పాత్రను చిత్రీకరించిన విధానం అతనిపైన సానుభూతిని కలిగించే విధంగానే ఉంది. నిజానికి కమలహాసన్ ఏ విలన్ లా తోచాడు నాకు🙂

సినిమాలో పాటలు గొప్పగా ఉన్నాయి. అన్ని పాటలూ నచ్చాయి నాకు. మొత్తానికైతే, శ్రీవిద్య, రజనీకాంత్ లమీద వల్లమాలిన అభిమానం కలిగింది సినిమా చూశాక. దానితో, తెలుగులో కూడా ఓ మాటు చూద్దాం – తమిళంలో అర్థం కాని కొన్ని మాటలు తెలుగులో అర్థం అవుతాయిలే అనుకుని ప్లే చేస్తే – ఒక్కపది నిముషాల్లో చిరాకేసేసింది అదేమిటో. సరే, రజనీకాంత్ పాత్ర కోసమని ఫార్వర్డ్ చేసి చూస్తే – మోహన్ బాబు!! అతని గెటప్ ని-అతని నటననీ ఏమీ తప్పుపట్టలేం‌ కానీ, రజనీకాంత్ ని చూసిన కళ్ళతో ఆ‌పాత్రలో అతన్ని చూస్తే తట్టుకోలేక, కొట్టు కట్టేశాను. డిటో విద్ నరసింహరాజు. శ్రీవిద్య ఈ వర్షన్ లో కూడా గొప్పగా చేసింది. పాటలు బాగున్నాయి కానీ, అర్థం కాకపోయినా తమిళంవి ఆకట్టుకున్నంత అర్థమయ్యీ ఇవి ఆకట్టుకోలేకపోయాయి. తెలుగులో జయసుధ పాత్ర మాధవి వేసింది. శ్రీవిద్య తరువాత ఈ వర్షన్ లో నాకు నచ్చింది ఈవిడే. తమిళ తెలుగు సినిమాల మధ్య కొన్ని తేడాలు ఉన్నాయి కానీ, నేను తెలుగు వర్షన్ ని ఆట్టే చూడలేకపోవడానికి అవి మాత్రం కారణం కాదు.

ఏదో, ఈ ఊపులోనే శ్రీవిద్య ప్రధాన పాత్రధారిగా వేసిన సినిమాలేవైనా, అలాగే రజనీకాంత్ తొలినాటి సినిమాలు కూడా చూడాలని నిర్ణయించుకున్నాను. అదనమాట సంగతి.

Published in: on May 17, 2014 at 12:02 am  Comments (4)  

The URI to TrackBack this entry is: https://vbsowmya.wordpress.com/2014/05/17/thirakkathasrividya/trackback/

RSS feed for comments on this post.

4 CommentsLeave a comment

  1. I watched both the versions of the movie. Srividya dominated both the versions. Though the tamil version is directed by Balachander, whose movies I really like the best, the Telugu version is lot better than Tamil version. Dasari took some scenes really well. I didn’t like either kamal or narasimha raju, both have done over acting. One more character, you forgot to mention is Nagesh’s. He was brilliant in both the versions.

    If you really like Sri vidya’s acting, watch BalipeeTham. Even though her character is very small, she acted very well. Another movie of mention is kanya-kumari.

    -Brahmanandam

    • Brahmanandam garu, thanks for the movie names. Balipeetham – are you talking about the Sobhan Babu-Sarada movie? or is there another movie? Kanya kumari – is it a Telugu or Tamil movie? I couldn’t find both the names in Srividya’s filmography on Wiki. So, I have to ask you to know more so that I can watch them.🙂

  2. For the movie u stated,There is telugu dubbed movie taara ( hopefully I’m right ) where priyamani is the lead….nice one..

  3. yes i Do agree… but Telugu version much better than the original one


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: