Philosophies of Language and Linguistics-1

మళ్ళీ ఒక పుస్తకం గురించి నాకు నేను రాసుకునే నోట్సు బ్లాగులో పెట్టుకోవాలనిపించింది. అందుకోసమని ఈ సిరీస్. పుస్తకం వివరాలు:

Philosophies of Language and Linguistics
Ralph A.Hartmann
2007.

పోయిన నెల గ్రీసు వెళ్ళినపుడు, విట్గెన్స్టైన్ భాషపై వెలిబుచ్చిన అభిప్రాయాలు తొలితరం యాంత్రిక అనువాద శాస్త్రజ్ఞుల పై ప్రభావం చూపాయని అక్కడ ఒక ప్రొఫెసర్ చెప్పగా విన్నాను. ఆయన నేను ప్రశ్నలు వేసే కొద్దీ మరింత వివరాల్లోకి వెళ్ళారు. తరువాత ఆయనే విట్గెన్స్టైన్ రాసిందే తక్కువ. కానీ అది చదవమని సూచించారు. ఈ ముక్క, విట్గెన్స్ట్టైన్ ను చదవమన్న రికమెండేషన్ – ఇదివరలో కూడా నాకు మరొక గురువుగారి వద్ద నుండి వచ్చాయి కానీ, నేను సాహసించలేకపోయాను. తత్వశాస్త్రం చదవడం నా చేతిలో పని కాదనుకుని, ముందుగా ఏవన్నా ప్రాథమిక స్థాయిలో భాషను గురించి చెప్పే పుస్తకాలు చదివాక అటు వెళదాం అనుకున్నా. మరొక ప్రొఫెసర్ సూచనతో మొదట Understand Linguistics అని Jean Aitchison రాసిన పుస్తకం చదివాను. ఆయా తత్వశాస్త్రజ్ఞుల పుస్తకాలు నేరుగా చదవలేకపోయినా, మొదట వాటి గురించి రాసిన వ్యాసాలు ఏవన్నా చదివితే అర్థం చేసుకోగలనని కొంచెం నమ్మకం కలిగింది. Understand Linguistics పుస్తకం లాంటివి ఇంకేమన్నా ఉన్నాయేమో అని లైబ్రరీలో వెదుకుతూ ఉండగా, ఇదిగో, ఈ పుస్తకం కనబడ్డది.

ప్లాటో నుండి పింకర్ దాకా వివిధ తత్వ శాస్త్రజ్ఞులు భాష గురించి వెలిబుచ్చిన ఆలోచనల గురించిన పరిచయ వ్యాసాలివి. ఈ వ్యాసాల ద్వారా ఇప్పటిదాకా తత్వశాస్త్రంలోనూ, భాషా శాస్త్రంలోనూ భాష గురించి వెలువడ్డ వివిధ అభిప్రాయాలను, పరిశోధనలను సంక్షిప్త రూపంలో చెప్పడం ఈ పుస్తకం ఉద్దేశ్యం అన్నారు. ఇంకా ఇదంతా అసలు నాకు అర్థమవుతుందా? లేదా? అన్న మీమాంసలోనే ఉన్నాను కానీ, ప్లాటో రాసిన Cratylus గురించి రాయబడ్డ మొదటి వ్యాసం అర్థం అయినట్లే అనిపించింది. అందువల్ల, ఈ పుస్తకంతో ముందుకు సాగుతున్నాను. ఇందులో చర్చించబడ్డ పుస్తకాలు –

Part-1: What is the nature of language and what is linguistics about?
Plato – Cratylus
Aristotle – On Interpretation
Ferdinand de Saussure – Cours de linguistique générale
Ludwig Wittgenstein – Tractacus Logico-Philosophicus
Ludwig Wittgenstein – Philosophical Investigations
Leonard Bloomfield – Language
Bertrand Russell – An Inquiry in to meaning and truth
Willard Van Orman Quine – Word and Object
John Searle – Speech Acts
Noam Chomsky – Knowledge of Language
Steven Pinker – The Language Instinct

దీని తరువాత సైన్స్ ఆఫ్ లాంగ్వేజ్ అంటూ మరి మూడు వ్యాసాలున్నవి – శాస్త్ర తత్వం గురించి అధ్యయనం చేసిన వారి పరిశోధనలను పరిచయం చేస్తూ. వాటి గురించి పై వ్యాసాలు పూర్తి చేయగలిగిన రోజున ప్రస్తావిస్తాను.

మొదటి వ్యాసం గురించి చెప్పే ముందే ఇచ్చుకుంటున్న డిస్-క్లెయిమర్: పుస్తకం చదువుతూ ఉండగా, నాకు నేను రాసుకుంటున్న నోట్సు గా చూడవచ్చు ఈ టపాలని. కనుక, విషయాన్ని నేను అర్థం చేసుకోవడంలో తప్పులు ఉండవచ్చు. నాకీ అంశాల పట్ల అడపాదడపా చదివిన చదువు వల్ల ఏర్పడ్డ కొన్ని అభిప్రాయాల ప్రభావంలో కొన్నింటిని పక్షపాత వైఖరితో కూడా చూడవచ్చు. ఈటపాలు చదివే వాళ్ళు ఈ ముక్కలు గుర్తు పెట్టుకుంటారని ఆశిస్తున్నాను.

అన్నట్లు ఒక్క ముక్క – ఇక్కడ తత్వవేత్తలంటే పాశ్చాత్య తత్వశాస్త్రం తాలూకా వారే కానీ, ఇతరత్రా ఎవరూ ఈ జాబితాలో లేరని గమనించగలరు. ఉదా – భారతీయ తాత్విక చింతనలో భాష గురించిన ఆలోచనలు ఎలా ఉండేవి? వంటివి తెలుసుకొనడానికి ఏవన్నా ప్రాథమిక స్థాయి పుస్తకాలున్నాయో లేదో నాకు తెలియదు. ఇంకా వెదకడం మొదలుపెట్టలేదు. మీకు తెలిస్తే వ్యాఖ్య రాయండి.

The URI to TrackBack this entry is: https://vbsowmya.wordpress.com/2012/10/16/philosophies-of-language-and-linguistics-1/trackback/

RSS feed for comments on this post.

6 CommentsLeave a comment

  1. భారతీయ తత్త్వ చింతన అంటే గుర్తొచ్చింది. ఈ పాశ్చాత్య భాషా పరిణామ గ్రంధాలు చదివి ఓ భారతీయ తత్త్వంలో కృషి చేసిన పండితుణ్ణి “ఇంతకీ మనవాళ్లు ఏ భాషలోంచి ఏ భాష పుట్టింది. ఎలా పుట్టింది” లాంటి కొన్ని ప్రశ్నలు వేశాను. “పరమశివుని డమరుక ధ్వనుల్లోంచి భాష పుట్టిందని కదా మన నమ్మకం” అన్నారు. నాకు మరేమీ మాట్లాడ్డానికి ఆస్కారం కనిపించలేదు🙂

  2. తిరుమల రామచంద్ర వంటివారేమైనా వ్రాశారేమో

  3. […] పుస్తకం గురించి సంక్షిప్త పరిచయం – ఇక్కడ) ***** 1) Plato – Cratylus (app. 400-390 before our time): ప్లాటో తన […]

  4. “The Word and the World: India’s Contribution to the Study of Language”. B.K.Matilal
    -Paruchuri Sreenivas garu referred to this book at another post on this blog 5years ago!🙂 and after all these years, I now decide to read it next!🙂

  5. ధ్వన్యాలోకం – “dhvanyalokam” lo bhaasha gurinchi, sabda-arthaala gurinchi vivarana chaalaa scientific gaa untundi.. bahusaa, ippudu meeru refer chesina, annee books kante koodaa better organised anipistundi.. endukante, meeru ichchina explanation bhaasha puttu-poorvaalu, sabdaalu-arthaalu ki unna relation gurinchi complete explanation ledu.. ivannee koodaa Dhvanyalokam lo chaalaa clear gaa explain chesaadu.

    next, Patanjali – mahaabhaashyam – ultimate book, linguistics paramgaa.. indulo nenu konhcem maatrame chadivaanu.. starting lone, chaalaa answers unnaayi, bhaasha gurinchi, sabdaarthaala gurinchi.. Sareeram lo naadi-vyavastha nunchi modalukoni, Sabdam puTTi, nOru dvaaraa bayaTaki vachche varaku enni maarpulu jarugutundi explain chestaadu… aa tarvaata, adi chevi varaku cheri, mind lo interpret chesukune varaku gala different factors list istaadu. ilaa complete analysis untundi.. book starting lone.

    mana saahityam anthaa.. sabdaalu, vaati arthaalu — veeti chuttoone tirugutuntundi.. mana rishulu cheppinantha detailed gaa mari evvaru cheppaledemo..

    ee granthaalu sanskrit lo unnaa, andulo unna explanation ye bhaasha ki ainaa anvayinchukovachchu.. antha complete information ichchaaru..

    • @Subbaiah: Thanks for the comment.
      మీరు చెప్పిన పుస్తకాల గురించి కొంచెం పరిచయ స్థాయిలో రాసిన పుస్తకాల గురించి నేను అడిగింది. The word and the World: India’s contribution to the study of language అన్న పుస్తకం దొరికింది. ఇదేననుకుంటాను నాకు కావాల్సింది. ఈ స్థాయి దాటితే, తరువాత ఆ స్థాయిని చేరగలనేమో ఎప్పుడో. ఇక పోతే, మీరన్న ముక్క “మన రుషులు చెప్పినంత detailed గా మరి ఎవ్వరూ చెప్పలేదేమో”.. అన్నది నిజమే కావొచ్చు. కనీసం ఇప్పటికి ఈ రెండు పుస్తకాలూ మొదటి అధ్యాయాలు చదివాక నాకు అలాగే అనిపించింది. భారతీయ తత్వశాస్త్రంలో భాష గురించి ఎక్కువగా ఆలోచించారు పాశ్చాత్యులతో పోలిస్తే అని. “What Geometry was to the ancient Greeks, Grammar was to the ancient Indians” అని ఈ పుస్తకం ముందుమాటలో అన్నారు. కనుక భాషాశాస్త్రం పరంగా మన ప్రాచీన గ్రంథాల్లో లోతైన చర్చలు ఉండడంలో వింతేమీ లేదు కదా!🙂


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: