Is it England’s misfortune in Worldcup?

నిన్న దక్షిణాఫ్రికా జట్టు దురదృష్టం గురించి రాసిన టపా లో వీవెన్ గారు రాసిన కామెంట్ చదివాక ఈ టపా రాస్తున్నా. ఇంగ్లాండు ది దురదృష్టమా? స్వయం కృతమా? అని. ఒక వేళ ఇది దురదృష్టం అనుకున్నా కూడా అది దక్షిణాఫ్రికా తరహా దురదృష్టం కాదేమో అనిపిస్తుంది. ఈ టపా లో దీనితో పాటు క్రికెట్ అభిమానులకు ఓ మంచి సైటు ను పరిచయం చేస్తున్నా.

ఇంగ్లాండ్ జట్టు మూడు ప్రపంచ కప్ ల ఫైనల్స్ ఆడింది. కానీ, ఒక్క దానిలోనూ గెలవలేదు. 1979 లో విండీస్ తోనూ, 1987 లో ఆసీస్ తో నూ, 1992 లో పాకిస్తాన్ తోనూ ఫైనల్స్ ఆడి ఓడింది. ఈ మ్యాచ్ లు ఏవీ నేను చూడలేదు కనుక విశ్లేషించలేను కానీ … స్కోర్ కార్డుల గురించి చెబుతా. అప్పుడు దక్షిణాఫ్రికా దురదృష్టానికి, ఇంగ్లాండు దురదృష్టానికి తేడా తెలుస్తుంది.🙂

1979 కప్ ఫైనల్ : నేను తెలుసుకున్నంత వరకు ఈ ఫైనల్ గురించిన విశేషాలు – వీవ్ రిచర్డ్స్ వీర విహారం తో 138 పరుగులు చేసాడు. తరువాత కాలిస్ కింగ్ 66 బంతుల్లోనే 86 పరుగులు చేయడం తో విండీస్ జట్టు నిర్ణీత 60 ఓవర్లలో 286 పరుగులు చేసింది. తరువాత బ్యాటింగ్ కు దిగిన ఇంగ్లాండ్ జట్టు స్కోరు బోర్డు నత్త నడకన సాగింది. టాప్ ఆర్డర్ ఆటగాళ్ళు మెల్లిగా పరుగులు తీసి లోయర్ ఆర్డర్ పై ఒత్తిడి పెంచారు. దానితో చివరికి వచ్చే సరికి వికెట్లు టప టపా రాలి ఇంగ్లండ్ జట్టు 194 పరుగులకే కుప్పకూలింది. ఓపెనర్ల స్కోరు చూస్తే తెలుస్తుంది ఎంత నెమ్మదిగా ఆడారో – బ్రియర్లీ – 130 బంతుల్లో 64 పరుగులు; జెఫ్ బాయ్కాట్ 137 బంతుల్లో 57 పరుగులు!!! Gower, Botham సహా 5 డకౌట్లు! ఇంగ్లాండ్ జట్టు ఆటగాళ్ళ స్కోర్లు – 64,57,15,32,0,4,0,5,0,0,0 ! – ఇదీ ఇంగ్లాండు ఆ మ్యాచ్ లో ఆడిన తీరు.

1987 కప్ – ఇది కాస్త హోరా హోరీ గా సాగిన మ్యాచ్ అనే చెప్పాలి. తొలుత బ్యాటింగ్ చేసిన ఆసీస్ 50 ఓవర్లలో 253/5. జవాబు గా రెండో ఇన్నింగ్స్ మొదలుపెట్టిన ఇంగ్లాండ్ మొదటి ఓవర్లోనే ఓ వికెట్ కోల్ఫొయినా నెమ్మది గా పుంజుకుంది. అయితే ఆసిస్ కెప్టెన్ బోర్డర్ బౌలింగ్ కు దిగాక పరిస్థితి మారింది. వేసిన తొలి బంతికే రివర్స్ స్వీప్ కు ప్రయత్నించిన ఇంగ్లాండ్ కెప్టెన్ Mike Gatting ఔట్ అయ్యాడు. అక్కడ నుండి ఇంగ్లాండ్ జట్టు పరుగుల వేగం మందగించి 50 ఓవర్లు ముగిసే సమయానికి విజయానికి తొమ్మిది పరుగుల దూరం లో నిలిచింది. బోర్డర్ జట్టు కప్పు పైకెత్తింది🙂

1992 కప్ – పాకిస్తాన్ తో ఫైనల్. పాక్ జట్టు లో ఇమ్రాన్ ఖాన్, మియాందాద్, ఇంజీ వంటి వారు పరుగులు తీయడం తో, చివర్లో వసీం అక్రం మెరుపులు మెరిపించడం తో – 50 ఓవర్లలో 249 పరుగులు చేసింది ఆ జట్టు. తరువాత బ్యాటింగ్ కు దిగిన ఇంగ్లాండ్ జట్టు ఏ దశ లోనూ పాక్ ధాటి కి … ముఖ్యంగా వసీం అక్రం ధాటికి నిలువలేక పోయింది అనే చెప్పాలి. ఇన్నింగ్స్ మొదటి ఓవర్లోనే బోథం ను డకౌట్ చేస్తూ మొదలుపెట్టాడు Akram. మిగితా బౌలర్లు కూడా ఎక్కడా ఇంగ్లాండ్ జట్టు ను కోలుకోనివ్వలేదు. Neil Fairbrother ఒక్కడు కాస్త నిలదొక్కుకుని 62 పరుగులు చేసాడు. చివరాఖరికి ఇంగ్లాండ్ జట్టు మూడో ఫైనల్ కూడా ఒటమి తోనే ముగించింది. 22 పరుగుల తేడా తో పాక్ జట్టు గెలిచింది.

– ఇప్పుడు చెప్పండి … ఇంగ్లాండ్ ది స్వయం కృతం అంటారా? దక్షిణాఫ్రికా తరహా దురదృష్టం అంటారా?

అన్నట్లు సైటు పరిచయం చేస్తా అన్నా కదూ – ఆ site – http://cricket.deepthi.com . మంచి సైటు. చాలా వ్యాసాలు, గణాంకాలు ఉన్నాయి ఈ సైటు లో. ఇప్పటి దాకా నాకు 1975,1979 ప్రపంచ కప్ ల గురించి ఎక్కడా సరైన వ్యాసాలు దొరకలేదు. కానీ ఈ సైటు ద్వారా చాలా విషయాలు తెలిసాయి. ఈరోజే, కొద్ది నిముషాల క్రితమే చూసా ఈ సైటు ని. ఇంకా ఏమేం ఉన్నాయో తెలీదు. కానీ, చాలా బాగుంది సైట్ మాత్రం. క్రికెట్ చదువరులకు ఇంక పండగే ఈ సైటు చూస్తే🙂

Published in: on March 30, 2007 at 4:50 am  Comments (2)  

The URI to TrackBack this entry is: https://vbsowmya.wordpress.com/2007/03/30/is-it-englands-misfortune-in-worldcup/trackback/

RSS feed for comments on this post.

2 CommentsLeave a comment

  1. మరి అలా అయితే 1999 వరల్డ్ కప్‌లో సౌత్ ఆఫ్రికా చివరి రెండు బంతులు మిగిలుండగా రన్ ఔట్ అవడం, వెస్ట్ ఇండీస్ మీద ఓడిపోవడం స్వయంకృతాలే కదా ?

    మీకు తెలిసే ఉంటుంది cricinfo.com లో మీకు కావలసిన సమాచారమంతా దొరుకుతుంది. అన్ని archives ఉంటాయి అక్కడ.

  2. దక్షినాఫ్రికా వి స్వయంకౄతాలు లేవు అనడం లేదు నేను.
    ఆ జట్టు కి కలిగినన్ని దురదృష్టపు అనుభవాలు ఏ జట్టుకూ లేవని అంటున్నా.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: