Yahoo Mail memories

నిన్న ఒక వ్యాసం చదివాను – యాహూ మయిల్ unlimited storage ఇవ్వబోతోంది అన్నది దాని సారాంశం. యాహూమెయిల్ కి 10 ఏళ్ళు పూర్తవబోతున్న సందర్భంగా ఇది కానుక అట. ఈ వ్యాసం లోనే 10 ఏళ్ళ ప్రస్థానం లో కొన్ని మైలురాళ్ళను గురించి రాసారు. ఈ వ్యాసం చదువుతూ ఉంటే నాకూ యాహూమెయిల్ తో నా అనుబంధాన్ని ఓ సారి గుర్తు తెచ్చుకోవాలనిపించింది. అందుకే ఈ వ్యాసం.

నేను సృష్టించుకున్న మొదటి ఈ-మెయిల్ ఐడీ యాహూమెయిల్ ది. అప్పుడు 4 MB storage ఉండేది. అప్పుడు hotmail లో 2 MB storage మాత్రమే ఉండేది. దానితో నాకు గొప్పగా అనిపించింది 4MB అంటే. ఇప్పుడంటే delete అంటే వింతగా చూస్తారేమో కానీ, అప్పుడు స్పేస్ తక్కువ కాబట్టి మరి ఇంక డిలీట్ చేసుకోవాల్సి వచ్చేది. అయితే సరిగా గుర్తు లేదు కాని, ఓ దశ లో .co.in వారికి 6MB, .com వారికి 4MB స్థలం ఉండేది. అప్పుడు జరిగిన ఓ సన్నివేశం ఇంకా గుర్తు ఉంది నాకు. ఎవరో ఓ పెద్ద సైజు forward పంపారు. సరిగ్గా సైజు గుర్తు లేదు కాని, వాళ్ళకి నేను ఇలా జవాబిచ్చాను – “ఇంత పెద్ద పెద్ద మెయిళ్ళు పంపితే ఎలా చెప్పు? నాకైతే 6MB కనుక పెద్ద సమస్య కాదనుకో. కాని 4MB వాళ్ళ సంగతి ఏమిటి చెప్పు?” – అని   space కోసం ఎన్ని సార్లు ఆరాటపడ్డానో! ఎక్కడ ఆ 6 MB అయిపోతుందో అని!

తరువాత తరువాత మొదట 250MB కి, ప్రస్తుతం 1GB కి పెంచేశారు అనుకోండి యాహూ వారు. అది వేరే విషయం. ఎంత జీమెయిల్ తరం అయినా కూడా నా యహూ మెయిల్ ఇప్పటికీ రోజూ వాడుతూనే ఉన్నాను. ఎందుకో, నాకు దాని UI అంటే చాలా ఇష్టం. gmail లోని features కారణంగా దాన్ని వదలడం ఎంత కష్టమో, అలాగే యాహూ మెయిల్ ని వదల్లేకపోవడానికి రెండు కారణాలు ఉన్నాయి : ఒకటి – దాని UI, రెండు – నా గత జీవిత జ్ఞాపకం కనుక. ఇప్పటికీ నాకు ఆ ఫోల్డర్ల పద్ధతి అంటేనే ఇష్టం. ఎందుకోగానీ. కొత్తగా యాహూమెయిల్ బీటా వచ్చింది, కొన్నాళ్ళ క్రితం. మొదట కొన్ని రోజులు వాడాను, బాగా అనిపించింది. కాని, వెంటనే వెనక్కి, నా పాత green background theme ఉన్న యాహూ మెయిల్ (అది మొదటి నుంచీ నేను ఎంచుకున్న థీం లెండి) వచ్చేసాను. బీటా లో కొన్ని అంశాలు బాగున్నా కూడా, కొన్ని ఎంత పేలవంగా ఉన్నాయంటే – మళ్ళీ good old YahooMail UI కి రాగానే – ఎండలో తిరిగి తిరిగి ఏసీ గదిలోకి వచ్చినట్లు అనిపించింది.

చివరగా – యాహూమెయిల్ కో జై బోలో! ఇందులో inbuilt chat లేక పోవచ్చు. ఇందులో mails conversations లా స్టోర్ అవ్వక పోవచ్చు. ఇందులో ఒకే మెయిల్ కి రకరకాల లెబుళ్ళు పెట్టే స్వేచ్ఛ లేకపోవచ్చు. ఇంకా బోలెడు లేకపోవచ్చు. అయినప్పటికి – ఇది నా first-love bond break అయినా, కొత్త పరిచయాలు వచ్చి సమయం తగ్గినా కూడా .. first love is first love!.